Nakauwi na sa bansa ang ikatatlong batch na mga Pinoy Repatriates mula Gaza na binubuo ng labing-apat na Filipino National at anim na Palestinian
Nasa apat na pamilya na binubuo ng 20 indibidwals ang tinulungan ng gobyerno ng Pilipinas na mailikas sila mula gaza.
Gaya na lamang ni Revelina,anim silang miyembro ng pamilya kasama ang kanyang asawang palestino ang tinulungan ng pamahalaan na maiuwi sa bansa
Ayon sa kanya mula abu dhabi lumipat sila ng gaza at nanirahan ng 11 taon
Dahil sa matinding kaguluhan doon nagdesisyon sila umuwi ng Pilipinas kasama ang kanyang pamilya
Labis naman ang pasasalamat niya sa tulong ng gobyerno ng pilipinas na nakauwi na sila sa bansa
Yun nga lamang wala silang matutuluyan sa Pilipinas
Tubong la Union si Revelina pero aniya wala na syang kamag-anak na pwde niyang matuluyan dahil may kanya kanya na silang pamilya
Ayon naman kay DFA Asec.Robert Ferrer tutulungan ng Pamahalaan na mabigyan ng masisilungan ang naturang pamilya.
Makikipagugnayan din sila sa Local Government Unit para matulungan sila .
Ayon sa dfa may panibagong batch pa na mga pinoy repatriates ang inaasahang darating araw ng miyerkules