Tiniyak ng Bureau of Immigration ang mabilis na pag proseso sa mga pasahero sa Ninoy Aquino international airport NAIA.
Ito ang pahayag ni BI commissioner Norman Tansinco kasunod ng Isang post sa tweeter na mahabang pila ng mga pasahero sa immigration counter.
Sa post, inireklamo kasi ng isang netizen ang mahabang pila ng umaga kahapon February 19 sa immigration counter matapos lumapag ang kanyang flight sa NAIA Terminal 1.
Ayon kay Tansingco, ang mahabang pila ay inaasahan dahil dumating ang 8 flight lulan ang halos 1,800 kabuuang pasahero sa parehong oras.
Nilinaw ni Tansingco na sa kabila ng mahabang pila ay mabilis na naproseso ang mga pasahero sa loob ng 40 minuto.
Kabilang sa mga flight na ito ay ang mga eroplanong nagdadala ng maraming pasahero na nagmumula sa Vancouver, San Francisco, at Los Angeles.
Dagdag pa ng opisyal lahat ng mga counters at e-gates na nakalaan sa mga pilipino passports ay parehong gumagana sa NAIA terminal 1.
