Nilinaw ni Foreign Affairs Usec.Eduardo De Vega na 35 lamang ang unang batch ng Filipino repatriates na dadating bukas mula Gaza Strip.
Ayon kay De Vega, kasama rin sa unang batch ang isang Palestinian na asawa ng Pinoy.
Sila ay dadating bukas , pasado alas kwatro ng hapon sakay ng Qatar Airways FLight QR 932.
Una nang kinumpirma ng DFA na 40 mga Pinoy ang nakatawid ng Rafah border crossing patungong Egypt.
3 aniya sa mga nagpaiwan sa Egypt ay miyembro ng pamilya na may asawang Egyptian.
Habang ang dalawa aniya ay mag-inang Pilipino kung saan ang isa ay 38 weeks na buntis at hindi na maaaring bumiyahe.
Sila ay kapwa Philippine passport holders.
